Alaksandr Łukašenka źviartaje ŭvahu na nieabchodnaść bolš pilnaj prapracoŭki prajektaŭ narmatyŭnych pravavych aktaŭ u paźbiahańnie nastupnych častych karekcirovak zakanadaŭstva. Na heta kiraŭnik dziaržavy źviarnuŭ uvahu vice-premjera Uładzimira Dvornika i pieršaha vice-premjera Alaksandra Turčyna, jakija paviedamlali pra šerah inicyjavanych uradam pytańniaŭ, źviazanych ź nieabchodnaściu karekciroŭki narmatyŭnych pravavych aktaŭ, piša BiełTA.
«Treba paźbiahać vielmi častaha zvarotu da ŭkazaŭ prezidenta z metaj źmieny abo karekciroŭki taho ci inšaha zakanadaŭstva. Prytym praz adnosna karotkaha pramiežku času. Ja, viadoma, razumieju, što žyćcio na miescy nie staić, usio ciače i źmianiajecca. Ale kali my, vobrazna kažučy, učora pryniali narmatyŭny pravavy akt, zakon, padzakonny akt, dekrety prezidenta, ukazy, a praz hod-dva pačynajem karektavać hetyja narmatyŭnyja pravavyja akty, heta śviedčyć ab tym, što na ekśpiertnym uzroŭni i na ŭzroŭni padrychtoŭki hetych zakonaprajektaŭ praca arhanizavana słaba», — skazaŭ kiraŭnik dziaržavy.
«Treba prymać takija narmatyŭnyja pravavyja akty, jakija mahli b pracavać chacia b piacihodku. Bo lubyja źmieny, asabliva ŭ ekanamičnaj śfiery, ciahnuć za saboj peŭny niespakoj pradprymalnikaŭ i tych, chto hetym zajmajecca», — padkreśliŭ biełaruski kiraŭnik.
