Litoŭskija mytniki zatrymali hruz snaradaŭ z Rasii. Na minułym tydni praz punkty Katłoŭka — Łavaryški była ździejśniena sproba pravieźci skryniu sa snaradami, jakija vykarystoŭvajuć u viertalotach Mi-8 i Mi-24, a taksama ŭ samalotach, piša Delfi.
Kiroŭca, jaki vioz hruz stratehičnaha značeńnia, skazaŭ mytnikam, što ŭziaŭ jaho ŭ maskoŭskim aeraporcie «Damadziedava». Pradstaŭniki litoŭskaj mytni paviedamlajuć, što mužčyna pradjaviŭ dekłaracyju i inšyja dakumienty na hruz, a taksama pakazaŭ skryniu vahoj kala 9 kh, u jakoj znachodzilisia snarady. Adnak adkryć jaje mužčyna admoviŭsia, kab nie parušyć hiermietyčnaści ŭpakoŭki.
U dakumientach było skazana, što snarady viazuć z Rasii, a ich atrymalnik — kampanija ź Pieru. Košt adnaho pirapatrona, pa dakumientach, składaje 75,9 jeŭra, a ŭsiaho hruzu — 7590 jeŭra. Mytniki pravieryli skryniu na renthienaŭskim aparacie i pierakanalisia, što ŭ joj znachodziacca 100 pradmietaŭ, jakija nahadvajuć patrony.
Hruz zatrymali.
