Biełaruś na mižnarodnym konkursie pryhažości Miss International — 2019 pradstavić Maryja Piarvij. U konkursie «Mis Biełaruś — 2018» dziaŭčyna zavajavała tytuł «Mis hladackich simpatyj» i ŭvajšła ŭ top-10.
Maryja rodam z Babrujska, jana ŭładalnica 2-ha miesca na konkursie «Mis Babrujsk — 2016», studentka Horackaj sielskahaspadarčaj akademii, jana madel z dośviedam pracy. Dziaŭčyna vučycca i raźvivaje svoj biznes u śfiery prakatu aŭtamabilaŭ.
Maša — dačka pravasłaŭnaha śviatara, jana ŭnosić svaju leptu ŭ spravy carkvy i razam ź siamjoj pastajanna dapamahaje małamajomasnym i biazdomnym. Na konkursie «Mis Biełaruś — 2018» dziaŭčyna pasiabravała ź pieramožcaj spabornictva pryhažości Maryjaj Vasilevič, usialak padbadziorvała jaje, kali taja ŭdzielničała ŭ «Mis śvietu». Naprykład, arhanizavała fłešmob u jaje padtrymku.
Miss International — mižnarodny konkurs pryhažości, jaki ŭvachodzić u «vialikuju piaciorku» samych bujnych i prestyžnych. Na im aceńvajecca nie tolki źniešni vyhlad udzielnic, ale i žadańnie vyrašyć hłabalnyja i łakalnyja prablemy na płaniecie. Štohod u spabornictvie prymajuć udzieł kala 70 dziaržaŭ. U 2019 hodzie konkurs adbudziecca ŭ Tokia.
