Zdareńnie adbyłosia viečaram 19 žniŭnia, paviedamlaje staličnaja milicyja.
26-hadovy chłopiec i jaho siabroŭka hulali pa vulicy. Zvyčajnaja razmova pierarasła ŭ svarku, u vyniku jakoj małady čałaviek zaskočyŭ na kapot aŭtamabila, jaki stajaŭ pobač, i staŭ bić nahoj pa łabavym škle. Zatym jon pieraklučyŭsia na inšyja mašyny.
Vynikam emacyjnaha ŭsplosku stali try pabityja aŭto. Uśviadomiŭšy pravinu, minčuk pasprabavaŭ paprasić prabačeńnia pierad uładalnikami paškodžanych aŭtamabilaŭ, pakinuŭšy na łabavym škle zapiski z abiacańniem pakryć škodu i svaim kantaktnym telefonam. Nastupnaj ranicaj fihurant źjaviŭsia ŭ Kastryčnickaje RUUS Minska, dzie pryznaŭsia ŭ zroblenym.
Viadoma, što raniej jon užo byŭ sudzimy za anałahičnyja dziei i ŭ dadzieny momant adbyvaje pakarańnie ŭ vyhladzie abmiežavańnia voli biez nakiravańnia ŭ vypraŭlenčuju ŭstanovu adkrytaha typu.
