president.gov.by
Pra heta jon zajaviŭ, naviedvajučy Staradarožski dośledny lashas. Tam byli razhledžany finansava-ekanamičny stan arhanizacyi i ŭ cełym praca lesahaspadarčaj haliny Biełarusi, paviedamlaje jaho pres-słužba.
Łukašenka daručyŭ raspracavać u krainie prahramu pa ŭklučeńni ŭ abarot nizkajakasnaj dziełavoj draŭniny. Staić zadača pierapracoŭvać uvieś draŭniany resurs. Jaje nieabchodna realizavać u asnoŭnym na praciahu nastupnych troch hadoŭ. Havorka idzie pra draŭninu, jakaja nie moža vykarystoŭvacca na inšyja patreby, akramia jak vyrab dranki i paliŭnych pialet.
«Tolki hety, budučy hod, jašče 2021-j. Usio! My ŭbačym patreby na ŭzroŭni krainy. I vy pavinny spłanavać, kab na kaniec 2022 hoda ŭsie pierapracoŭvali. Heta hałoŭnaje pytańnie. I my pavinny na nastupnuju piacihodku spłanavać takim čynam, kab pierapracoŭvali usio, kab nie było burałomu. Heta naš najvialikšaje bahaćcie (les), dadzienaje Boham. usie pavinny pierapracavać. Što nie atrymlivajecca acylindravanaha i inšaje - treba ŭ pialety i pradać», — zapatrabavaŭ biełaruski kiraŭnik.
«My ŭžo kaliści padyšli da pytańnia, što rabić u lesie, jak jaho pierapracavać, kab nie zhniło. Treba vypracavać dakładnuju prahramu z ulikam najaŭnych viedaŭ. I za piać hadoŭ vy pavinny vyrašyć usie pytańni ŭ lesie, kab było pa-haspadarsku. Hetaja prahrama pavinna być napružanaja «, - skazaŭ Alaksandr Łukašenka.
