ifmo.ru
Aśpirant pieciarburhskaha Univiersiteta infarmacyjnych technałohij, miechaniki i optyki Hienadź Karatkievič šosty raz zapar staŭ najlepšym prahramistam śvietu pa vynikach konkursu Google Code Jam. Pra heta paviedamlaje pres-słužba VNU.
«Aśpirant Univiersiteta ITMO Hienadź Karatkievič znoŭ nie sastupiŭ nikomu tytuł čempijona mižnarodnaha turniru pa prahramavańni Google Code Jam, jaki prachodziŭ u San-Francyska. Heta jaho šostaja pieramoha zapar na adnym z najbujniejšych kampjutarnych spabornictvaŭ. Takich pośpiechaŭ nie dabivaŭsia nivodny prahramist płaniety: inšym udzielnikam udavałasia pieramahčy maksimum dvojčy», — havorycca ŭ paviedamleńni.
Google Code Jam pravodzicca kampanijaj Google z 2003 hoda i ličycca adnym z samych prestyžnych i masavych čempijanataŭ śvietu pa prahramavańni: štohod jon źbiraje zvyš 50 tys. udzielnikaŭ, u finał vychodziać 25 čałaviek.
Hienadź Karatkievič naradziŭsia ŭ Homieli. Skončyŭ himnaziju №56. Vučycca ŭ Pieciarburhu. Jon — dvuchrazovy pieramožca mižnarodnaha čempijanatu śvietu pa prahramavańni ICPC (2013 i 2015 hadoŭ), piacirazovy čempijon «Jandeks.Ałharytma», pieramožca i pryzior inšych najbujniejšych mižnarodnych spabornictvaŭ «Vialikaha prahramisckaha šlema».
