Z «chimii» ŭ Vaŭkavysku źbieh 34-hadovy hrodzieniec, asudžany za niezakonny zvarot narkotykaŭ. Paźniak Śviatasłaŭ Časłavavič syšoŭ z terytoryi papraŭčaj ustanovy adkrytaha typu dniom 26 maja, i da hetaha času pra jaho miescaznachodžańnie ničoha nie viadoma. Pavodle infarmacyi milicyi, jon moža naviedvać chramy i manastyry, piša tut.by
Fota: labur.by.
Na vyhlad mužčynu 30-35 hadoŭ, rost 183 sm, chudarlavaha ciełaskładu, ciomnyja vałasy.
Asablivaja prykmieta: radzimaja plama na šyi źleva. Byŭ apranuty ŭ šera-čornuju bajku z kapiušonam, čornyja štany spartyŭnaha typu i ciomnyja krasoŭki. Taksama asudžany moža być apranuty ŭ kamuflaž zialonaha koleru.
Pavodle infarmacyi partała labur.by, uciekača bačyli ŭ Ivanaŭskim rajonie Bresckaj vobłaści. Pry sabie moža mieć knopkavy raskładny mabilny telefon Samsung, fatahrafii i liki śviatych. Pabačyŭšy carkvu, kryž i abrazy molicca i chryścicca.
Kali vy bačyli hetaha mužčynu albo viedajecie pra jaho miescaznachodžańnie, milicyja prosić telefanavać: (801512) 43803 abo +375 (29) 7306731 abo 102.
