Źniščalnik Su-57 zapuścili ŭ sieryjnuju vytvorčaść, paviedamlaje RIA Naviny sa spasyłkaj na brašuru, pryśviečanuju 80-hodździu AKB imia Suchoha.
«Šmatfunkcyjanalny avijacyjny kompleks piataha pakaleńnia, jaki vałodaje vysokim intelektam bartavoha abstalavańnia, małoj prykmietnaściu, vialikimi rubiažami pierachopu pavietranych i źniščeńnia naziemnych celaŭ. U 2019 hodzie zapuščany ŭ sieryjnuju vytvorčaść, padpisany doŭhaterminovy kantrakt ź Minabarony na pastaŭku bolš za 70 samalotaŭ», - havorycca ŭ tekście.
U kancy červienia kiraŭnik Minpramhandlu Dzianis Manturaŭ paviedamiŭ žurnalistam, što Ministerstva abarony zaklučyła kantrakt na pastaŭku 76 mašyn.
Raniej Uładzimir Pucin padčas narady z kiraŭnikami abaronnych pradpryjemstvaŭ zajaviŭ ab nieabchodnaści pieraŭzbroić try avijacyjnyja pałki Pavietrana-kaśmičnych siłaŭ RF na Su-57.
Su-57 upieršyniu ŭźniaŭsia ŭ pavietra ŭ 2010 hodzie. Spałučeńnie vysokaj manieŭranaści z mahčymaściu vykanańnia zvyšhukavoha palotu, a taksama sučasny kompleks bartavoha abstalavańnia i małaja prykmietnaść, pavodle raspracoŭščykaŭ, zabiaśpiečvajuć Su-57 pieravahu nad kankurentami.
Jak paviedamlaŭ kiraŭnik «Abjadnanaj avijabudaŭničymi karparacyi» Juryj Ślusar, pieršaja sieryjnaja partyja z 12 mašyn pavinna być pastaŭlenaja ŭ 2019 hodzie.