Žychar Hrodna padmanam atrymaŭ ad dźviuch žančyn zvyš $ 15 tys., paviedamiŭ BiełTA aficyjny pradstaŭnik upraŭleńnia Śledčaha kamiteta pa Hrodzienskaj vobłaści Siarhiej Šaršanievič.
U machlarstvie padazrajecca mužčyna 1984 hoda naradžeńnia. U dačynieńni da jaho raspačata kryminalnaja sprava.
Fota USK pa Hrodzienskaj vobłaści.
«Z zajavaj u orhany ŭnutranych spraŭ źviarnułasia žycharka abłasnoha centra. U pieryjad ź listapada 2018 hoda pa krasavik 2019-ha mužčyna, złoŭžyŭšy jaje davieram, na roznych padstavach vykraŭ amal $ 2,3 tys. i płanšet koštam $ 200», - raspavioŭ Siarhiej Šaršanievič.
Vyśvietliłasia, što mužčyna anałahičnym čynam sa žniŭnia pa listapad 2014 hoda vykraŭ zvyš $ 13 tys. jašče ŭ adnoj žycharki Hrodna.
Mužčyna raniej užo pryciahvaŭsia da kryminalnaj adkaznaści. Stałaha miesca pracy jon nie maje. Dla zabieśpiačeńnia kampiensacyi naniesienaj škody i majomasnych spahnańniaŭ nakładzieny aryšt na majomaść, u tym liku i na kvadracykł, jaki byŭ nabyty na vykradzienyja hrošy.
Śledčyja sumiesna z apieratyŭnymi supracoŭnikami milicyi praciahvajuć vyjaŭlać hramadzian, jakija mahli paciarpieć ad padazravanaha. Źviartacca z adpaviednymi zajavami možna pa telefonach: (8-015) 72-41-39, 72-40-40 abo 102.