Udzielnikami konkursu sioleta stali fatohrafy bolš čym z 140 krain śvietu, jany zdymali na smartfony ad Apple.
Fotazdymak Hleba Drazdova.
Fatohraf Hleb Drazdoŭ ź Minska zaniaŭ treciaje miesca ŭ katehoryi Lifestyle. Pieramahło fota, jakoje było zroblena ŭ pakoi jaho dziaduli, jaki, na žal, užo pamior. Da fotazdymka chłopiec dadaŭ nastupny tekst:
«Heta były pakoj majho dziaduli ŭ ich z babulaj domie ŭ Babrujsku. Jon pamior, i jana ŭpryhožyła pakoj u pamiać pra jaho ŭ typovym savieckim viaskovym styli, jaki ličyŭsia raskošaj u jaje biednym viaskovym paślavajennym žyćci. Siońnia ŭ našych damach niama takich interjeraŭ, i heta taki muziej taho času: nakrytyja paduški, bieźlič dyvanoŭ, u tym liku i na ścienach, askietyzm, čyścinia i paradak», — piša Hleb.
Hleba čakaje padarunak ad iPhone Photography Awards. Za pieršaje miesca ŭdzielnikam vydajuć załaty źlitak nievialikaha pamieru, za druhoje i treciaje — źlitak z paładyju.
Pieršaje i druhoje miesca ŭ katehoryi Lifestyle zaniali fatohrafy z Kitaja.
Pieramožca ŭ katehoryi Lifestyle — zdymak kitajca Biaa Penha, na jakim mužčyna vudzić rybu ŭ voziery. Fota z sajta ippawards.com
Druhoje miesca — praca Leni Jenha, jakaja maje nazvu: «Visieć, kab vysachnuć». Fota z sajta ippawards.com