Rašeńnie «Transnafty» zaćvierdzić maksimalny pamier kampiensacyi za zabrudžvańnie nafty ŭ «Družbie» na ŭzroŭni $15 za baral źjaŭlajecca adnabakovym rašeńniem rasijskaj kampanii. Takuju zajavu zrabiŭ namieśnik staršyni «Biełnaftachima» Uładzimir Sizoŭ, paviedamlaje BiełTA.
Pa słovach Sizova, jon pakul što z tekstam «łakalnaha rašeńnia» «Transnafty» nie znajomy, a tamu nie ličyć patrebnym jaho kamientavać.
«Razam z tym, pa ahulnym jurydyčnym pravile, abaviazanaja asoba nie moža ŭ adnabakovym paradku vyznačać miežy svajoj adkaznaści pierad tymi, kamu jana abaviazana», — źviarnuŭ uvahu namieśnik staršyni «Biełnaftachima».
Raniej na pasiadžeńni rady dyrektaraŭ «Transnafty» zaćvierdzili paradak vypłat z-za situacyi z zabrudžanaj naftaj u trubapravodzie «Družba». Hraničny pamier vypłat — 15 dalaraŭ za baral zabrudžanaj nafty.
