Za 10 śviečak, kuplenych u rytualnaj kramie, u carkoŭnaj łaŭcy možna nabyć tolki… adnu.
Cana śviečki ŭ kramie — ad 15 kapiejek za štuku, u carkvie — ad 80 kapiejek za samuju tonieńkuju śviečku.
Što tyčycca inšych rytualnych rečaŭ, to ich cana moža być adnosna roŭnaj, a moža i adroźnivacca ŭ niekalki razoŭ.
Naprykład, kali šalik u rytualnaj kramie možna nabyć za 4—6 rubloŭ, to ŭ carkvie za taki samy paprosiać ad 12 rubloŭ. Ručniki kaštujuć prykładna adnolkava — 5—6 rubloŭ. A voś rytualny kamplekt u carkoŭnaj łaŭcy možna zapłacić ad 8,5 da 29 rubloŭ. U rytualnaj kramie — siaredni košt kamplekta 10—15 rubloŭ.
A voś rytualnaje adzieńnie, jakoje pradajecca ŭ rytualnych kramach, navat daražejšaje za adzieńnie, jakoje možna kupić u zvyčajnaj kramie.
Rytualny abutak — 25—40 rubloŭ, kaścium kaštuje prykładna 55 rubloŭ. Samaja tannaja truna ciapier kaštuje ad 145 rubloŭ.
Kali vy zachočacie zaprasić baciušku dadomu, jaho vizit budzie kaštavać 100 rubloŭ.
Stolki prosiać za vykanańnie relihijnych rytuałaŭ u pravasłaŭnaj carkvie ŭ Maładziečnie.
«Ciapier dla ŭsich cerkvaŭ zrabili adnolkavuju canu. Niavažna, dzie vy budziecie zamaŭlać pasłuhu, za adpiavańnie doma paprosiać 100 rubloŭ, chreśbiny — 80 rubloŭ, viančańnie — 120 rubloŭ», — raskazali ŭ carkvie.
