U Drahičynie evakuiravali 50 čałaviek z-za miny časoŭ Vialikaj Ajčynnaj vajny, paviedamlaje UUS.
Incydent adbyŭsia siońnia ranicaj u centry horada. U 10.02 u dziažurnuju čaść RAUS pastupiła paviedamleńnie ad rabotnikaŭ budaŭničaj arhanizacyi ab tym, što ŭ dvary doma №151 pa vulicy Lenina padčas ziemlanych rabot znojdziena minamiotnaja mina kalibru 52 mm. Na miesca zdareńnia nieadkładna vyjechali słužby ekstranaha reahavańnia. Patencyjna niebiaśpiečnaje miesca było ačeplena. Z najbližejšych budynkaŭ evakuiravali 50 čałaviek, vystaŭleny post z supracoŭnikaŭ milicyi. Z Bresta prybyła hrupa raźminiravańnia vajskovaj čaści 5526. Jak vyśvietliłasia, snarad nie mieŭ u sabie zarada i ŭžo nie ŭjaŭlaŭ niebiaśpieki. Miarkujecca, što minu zavieźli na dvarovuju terytoryju razam ź piaskom.
