Sud Frunzienskaha rajona siońnia vynies prysud dyrektaru budaŭničaj kampanii «ManalitBudInviest» Michaiłu Zdunkieviču. Jon pryznany vinavatym u zavałodańni 11 novymi kvaterami ŭ «Majaku Minska» i niavypłacie padatku paśla ich prodažu. Termin pakarańnia — 9 hadoŭ, piša Tut.by.
U rašeńni suda havorycca i pra los kvater, ahulnym koštam 2,5 młn rubloŭ, jakija zabudoŭščyk «Zomieks Inviestmient» pieradaŭ Michaiłu Zdunkieviču ŭ 2016 hodzie paśla vypłaty ŭsiaho 10% ad koštu. Pakul išli sudy, žyllo, jakoje ciapier naležyć inšym ułaśnikam, było pad aryštam. Adnak «Zomieks» iskavych patrabavańniaŭ da Zdunkieviča nie vystaviŭ i ciapier aryšt źniaty.
Varta adznačyć, što zabudoŭščyk pa spravie prachodziŭ jak śviedka i nie staŭ inicyjataram kryminalnaha pieraśledu svajho daŭžnika. Dziaržabvinavaŭca paśla abviaščeńnia prysudu ŭdakładniła, što «Zomieks» maje prava patrabavać viartańnia svaich kvater.
Prysud u siłu nie ŭstupiŭ i moža być abskardžany.
