Techničny dyrektar rasijskaj kampanii «Pira-Ros» Kanstancin Šapavałaŭ zajaviŭ RIA Novosti, što ŭ abaviazki supracoŭnikaŭ jaho kampanii nie ŭvachodziła padrychtoŭka snaradaŭ da zapusku salutu ŭ Minsku 3 lipienia, kali z-za vybuchu fiejervieračnych vyrabaŭ zahinuła žančyna, jašče nie mienš za 10 čałaviek paciarpieli.
«My ličym, što śledstva zvalvaje vinu na našych supracoŭnikaŭ, tamu što ŭ zadaču chłopcaŭ nie ŭvachodziła padrychtoŭka snaradaŭ da zapusku. U ich zadaču ŭvachodziła: zapis prahramy salutu na pulty prahramavańnia, naładka aparatury zapusku i adsočvańnie zapusku dla akazańnia techničnaj dapamohi. U nas niama ź imi suviazi. U nas niama nijakaj infarmacyi, jak i što jany rabili. Na kožny salut my adpraŭlajem kahości ad svajoj kampanii. Hetyja chłopcy ŭ Minsk pryjechali pieršy raz», — skazaŭ Šapavałaŭ.
«U nas niama nijakich zvarotaŭ, ničoha ź biełaruskaha boku. Adzinaje, my naniali advakataŭ i rychtujem svaje materyjały. Dla padtrymki siemjaŭ my źviarnulisia ŭ Ministerstva zamiežnych spraŭ, padtrymlivajem suviaź z konsułam. Robim usio, što mahčyma», — dadaŭ jon.
