U pana Nieviaroŭskaha surjoznaja zadača: ažanić svajho brata, pana Hraboŭskaha. Dla hetaha jon razam z haściami nakiroŭvajecca ŭ Plabań, jakaja naležyć jaho bratu. Praŭda, zadača ŭskładniajecca tym, što pan Hraboŭski «zakaranieły» babyl i čuć nie choča ni pra jakija sardečnyja partyi. Ale, zdajecca, pan Nieviaroŭski znajšoŭ vychad ź situacyi: u Zaleśsi pad Smarhońniu na vychavańni ŭ kniazioŭ Ahinskich jość panienka, za jakuju dajuć dobry pasah. Serca pana Hraboŭskaha zadryžeła, i jon hatovy pajechać pahladzieć na toje dziva. Ale pry ŭmovie: kali Hraboŭskamu partyja nie pryjdziecca daspadoby, to Nieviaroŭski addaść jamu 100 karoŭ. Čaho tolki nie zrobiš ź lubovi da brata!
Haściej sustrakaje pani Irena. Pakul moładź pryhladajecca adno da adnaho, hości z ekskursavodam adpraŭlajucca na špacyr pa zaleskim parku. Usie radyja i ščaślivyja… Ale raptam źjaŭlajucca carskija sałdaty. Časy niespakojnyja, jany vyšukvajuć smutu. Adna, dźvie nieaściarožnyja repliki z boku tych, chto sabraŭsia, — pačynajecca svarka, u vyniku pana Hraboŭskaha, jak buntara, aryštoŭvajuć, jamu pahražaje Sibir, kajdany. Hości iduć na kryminał, vyrašajuć adbić u sałdat słaŭnaha šlachciuka. Ale hołymi rukami na štyki i kuli nie palezieš, tamu ŭsia kampanija nakiroŭvajecca ŭ Kušlany da Bahuševiča pa dapamohu…
U Kušlanach hości majuć mahčymaść na šlachieckich chutarach ahledzieć dom, pabudavany jašče samim Franciškam Bahuševičam. Praŭda, sustrakajuć haspadary nie nadta vietliva: aścierahajucca pravakacyi. Tym nie mienš, pa aryjencirach, paznačanych maładym Bahuševičam, udajecca znajści schavanuju na Łysaj hary zbroju. Hości z takim surjoznym arhumientam u rukach pieratvarajucca ŭ paŭstancaŭ i nakiroŭvajucca naŭzdahon za carskimi žandarami.
Mima našaj bryčki pranosiacca Župrany, Ašmiany, Halšany. U Radzievičach pad Halšanami ŭ Rakickaha smačnyja nastojki, jakija zavabili kapitana Rykava. Niečakany prypynak padamoh dahnać palicejski patrul… Kosy, piki, stralba z muškietaŭ, šturm Rakickich — kulminacyja prahramy. Sałdaty, bačačy śmiełaść i bieskampramisnaść paŭstancaŭ, vyrašajuć addać Hraboŭskaha pakul cełyja. Z nahody ŭdałaha zaviaršeńnia kampanii ŭ domie Rakickich zastolle, muzyka, šlachieckija pieśni, tosty, a ŭ dvary — majstar-kłas pa staradaŭnich tancach: krakaviak, padyspań, polka i h.d. Upeŭnienyja, paśla hetaj prahramy ŭ vialmožnaha państva zastanucca najlepšyja ŭspaminy!
Cana vandroŭki: 55 rubloŭ dla darosłych, 45 — dla dziaciej.
Bolš infarmacyi pra ekskursiju znojdziecie pa spasyłcy.
Daviedacca padrabiaznaści i zapisacca na ekskursiju možna pa telefonach:
(17) 203-69-70
(17) 226-03-02
(29) 682-58-07
(29) 772-77-58
Bolej infarmacyi — na sajcie www.zamak.by.
Fond «Kraina zamkaŭ». UNP 690382807
