Alaksandr Łukašenka padpisaŭ dekret №4, jakim unosiacca źmianieńni ŭ šerah dziejučych dekretaŭ.
Dakumient pryniaty ŭ metach pryviadzieńnia zakanadaŭstva ŭ adpaviednaść z novaj redakcyjaj Padatkovaha kodeksa, jaki ŭstupiŭ u siłu z 1 studzienia 2019 hoda.
Nieabchodnaść źmianieńniaŭ abumoŭlena pałažeńniami Padatkovaha kodeksa, jakija praduhledžvajuć vyviadzieńnie z-pad padatkaabkładańnia padatkam na nieruchomaść abjektaŭ zvyšnarmatyŭnaha niezavieršanaha budaŭnictva, vyklučeńnie padatkaabkładańnia takich abjektaŭ ziamielnym padatkam pa padvyšanaj staŭcy. Pryviedzieny ŭ adpaviednaść taksama normy datyčna admieny prava miascovych Savietaŭ deputataŭ pavialičvać da 10 razoŭ staŭki padatku na nieruchomaść pa nievykarystoŭvanych i nieefiektyŭna vykarystoŭvanych abjektach, a taksama ziamielnaha padatku za ziamielnyja ŭčastki, zaniatyja takimi abjektami. Praduhledžany papraŭki ŭ častcy źniaćcia zabarony na prymianieńnie sproščanaj sistemy padatkaabkładańnia subjektami haspadarańnia, jakija ažyćciaŭlajuć roźničny handal praź internet-kramy, a taksama jakija akazvajuć pasłuhi, źviazanyja z raźmiaščeńniem na sajcie infarmacyi ab internet-kramach.
Akramia taho, źmianieńni nakiravany na ŭdaskanaleńnie dziejučaha miechanizma ŭstanaŭleńnia terminaŭ vypłaty PDV pry ŭvozie ŭ Biełaruś technałahičnaha abstalavańnia.
