Hitaryst Rusłan Uładyka, viadomy pad psieŭdanimam «Pan», sustreŭ 45-hodździe ŭ komie. Pra heta Radyjo Svaboda jahony siabra muzyčny pradziusar Jaŭhien Kałmykoŭ.
Rusłana Uładyku źbili i abrabavali 6 červienia ŭ Minsku, jon trapiŭ u reanimacyju z čerapna-mazhavoj traŭmaj, dahetul zastajecca ŭ štučnaj komie. Ale nadzieja na vyzdaraŭleńnie jość: daktary kažuć, kali ludzi vychodziać z takoha stanu ciaham 50 dzion, to čaściej za ŭsio «bolš-mienš viartajucca da narmalnaha žyćcia».
Jaŭhien Kałmykoŭ kaža, što asabista viedaje proźvišča mierkavanaha napadnika:
«Mahu skazać, što heta recydyvist, u jaho była niepahašanaja sudzimaść, — raskazvaje jon. — Jon zatrymany, ale sud adkładzieny praz toje, što jość nadzieja, što Rusłan jašče daść pakazańni».
Daktary adznačajuć stanoŭčuju dynamiku ŭ stanie Uładyki: moža varuchnuć nahoj, kali trymajuć za ruku, moža ściskać i nie adpuskać, raspluščvaje vočy. Kałmykoŭ zhadvaje: śledčy kazaŭ siastry Uładyki, što niadaŭna čałaviek lažaŭ u takim stanie paŭhoda, ale pryjšoŭ u prytomnaść, sam chodzić i daje pakazańni.
