Trahičnaja historyja adbyłasia 17 červienia. U milicyju pastupiła paviedamleńnie ab pryčynieńni cialesnych paškodžańniaŭ 10-miesiačnamu chłopčyku.
34-hadovaja žančyna ŭ dvary doma na vulicy Mazurava chacieła zabić syna i naniesła jamu ciažkija traŭmy. Adnak jaje spyniŭ baćka, nie daŭšy davieści namier da kanca.
Padazravanuju zatrymali i źmiaścili ŭ RNPC psichičnaha zdaroŭja. Dzicia było špitalizavana ŭ vielmi ciažkim stanie.
29 červienia dzicia pamierła.
Pa infarmacyi «Našaj Nivy», u žančyny zdarylisia psichičnyja prablemy — prytym što raniej jana pavodziła siabie absalutna narmalna.
Ale ŭ toj dzień hałasy ŭ hałavie paviedamili žančynie, što joj treba zabić dzicia i siabie.
Kali ŭ balnicy žančyna ŭśviadomiła, što narabiła, to sprabavała skončyć žyćcio samahubstvam, ale jaje vyratavali.
Rasśledavańnie pa spravie praciahvajecca. U dačynieńni da žančyny pravodziacca psichołaha-psichijatryčnyja ekśpiertyzy.
