Ministr finansaŭ Maksim Jermałovič raskazaŭ u parłamiencie, u jakuju sumu krainie abyšlisia Jeŭrapiejskija hulni i jaki efiekt ad ich płanujuć atrymać, piša Tut.by
Pa słovach ministra, usiaho Biełaruś patraciła na Jeŭrapiejskija hulni 540 miljonaŭ rubloŭ, u tym liku ź biudžetu — 266 miljonaŭ.
Deputat Hanna Kanapackaja pacikaviłasia ŭ ministra: a jaki dachod kraina čakaje ad Hulniaŭ.
— Pa vynikach II Jeŭrapiejskich hulniaŭ my zmožam acanić, nakolki ŭzros handal, nakolki vyrasła vykarystańnie pasłuh, turystyčnyja dachody horada. (…) Kali źjaviacca hetyja źviestki, my budziem dakładna viedać, kolki horad «zarabiŭ». Druhi efiekt, dla mianie bolš važny, — heta imidžavy efiekt ad praviadzieńnia II Jeŭrapiejskich hulniaŭ, jon maje bolš značny ŭpłyŭ na ekanamičnyja pakazčyki, čym pieršy. Jašče adzin efiekt — źniešnie-turystyčny, źniešnie-ekanamičny. Mienavita taki ŭzrovień praviadzieńnia Hulniaŭ stvaraje peŭny inviestycyjny efiekt, adkryvaje krainu dla šyrokaha koła zamiežnych inviestaraŭ, — ličyć Maksim Jermałovič. — Heta składana acanić u hrošach, ale heta značna pašyraje inviestycyjnuju pryvabnaść krainy (…) Takija maštabnyja mierapryjemstvy vielmi mocna spryjajuć tamu, kab adkryć krainu.
Raniej ličby vydatkaŭ na II Jeŭrapiejskija hulni nie ahučvałasia. Pavodle papiarednich acenak, vydatki na Jeŭrapiejskija hulni mohuć pieravysić 150 młn dalaraŭ.
