Fota Vadzima Zamiroŭskaha
U redakcyju Tut.by źviarnuŭsia čytač, jaki raspavioŭ, što nie zmoh pahladzieć poŭnaje videa adkryćcia II Jeŭrapiejskich hulniaŭ u Minsku z-za błakavańnia na YouTube.
Blakavanaje videa było raźmieščana na kanale TVKobelibe LIVETV. Skarha pastupiła ad Olympic Channel — servisu Mižnarodnaha alimpijskaha kamiteta.
Sprava ŭ tym, što ŭ Olympic Channel jość pravy na tranślacyju ŭ 11 rehijonach u Paŭnočnaj i Paŭdniovaj Amierycy i Karybskim basiejnie, uklučajučy Braziliju i Kanadu, a taksama pakaz na anhlijskaj u ZŠA i Puerta-Ryka, i 35 dziaržavach Azijacka-Cichaakijanskaha rehijonu, u tym liku ŭ Japonii i Respublicy Kareja.
U Biełarusi hetaja pasłuha niedastupnaja. Žychary našaj krainy mohuć pahladzieć cyrymoniju adkryćcia na sajcie Biełteleradyjokampanii, a taksama hałoŭnaj staroncy Jandeksa i ŭ Jandeks.Efiry. Takim čynam, idzie padzieł pravoŭ na tranślacyju tolki ŭ Biełarusi i za miažoj.
Aficyjna poŭnaje videa adkryćcia pakul nie dastupna na YouTube. Pryčyna ŭ hieabłakiroŭcy: kali videa dastupna dla prahladu ź Biełarusi, značyć, jaho možna pahladzieć i ź inšych krain. Takim čynam, mižnarodny pravaŭładalnik adpraŭlaje zajavu, što biełaruskaje videa vykarystoŭvajecca ŭ kamiercyjnych metach dla pakazu pa ŭsim śviecie, i rolik traplaje pad błok. Adnak nas zapeŭnili, što śpiecyjalisty ŭžo pracujuć nad hetaj prablemaj, i poŭnaje videa z cyrymonii adkryćcia chutka budzie dastupna na płatformie.
