Imavierna, Chašym Tačy prybyŭ na cyrymoniju pa zaprašeńni prezidenta Jeŭrapiejskich alimpijskich kamitetaŭ Janieza Kačyjančyča, pad čyjoj ehidaj prachodziać spabornictvy.
«Uźniaty naš ściah pobač ź inšymi ściahami śvietu ŭ centry Biełarusi staŭ našaj pieršaj pieramohaj. Ja ŭpeŭnieny ŭ pośpiechu našaj alimpijskaj zbornaj», — napisaŭ Tačy ŭ tvitary. Tam źmieščana jaho fota na stadyjonie.
Taksama Tačy pavinšavaŭ ź pieramohaj Majlindu Kelmiendzi, što zavajavała zołata ŭ spabornictvach pa dziudo na Jeŭrapiejskich hulniach.
Raniej paviedamlałasia, što prezident Sierbii Alaksandr Vučyč admoviŭsia prysutničać na adkryćci Jeŭrapiejskich hulniaŭ, bo pa stadyjonie miełasia prajści zbornaja Kosava. Vynikaje, što pryčyna demaršu Vučyča była inšaja.
Sierbija nie pryznaje Kosava. Nie pryznaje Pryšcinu i Minsk.
