U Dziatłaŭskim rajonie 22-hadovy chłopiec sabraŭsia źjeździć u rajcentr. Dla hetaha jon pabiŭ znajomaha i zabraŭ jaho aŭtamabil, paviedamlaje abłasnaja milicyja.
Usio adbyłosia ŭ vioscy Dzianisava ŭ miascovym internacie ŭ noč z 22 na 23 maja. Małady čałaviek zajšoŭ da 20-hadovaha susieda, prasiŭ mašynu, kab źjeździć pa spravach. Kali haspadar mašyny admoviŭ, chłopiec dvojčy stuknuŭ jaho kułakom u tvar, zabraŭ sa stała klučy ad «kapiejki» i źjechaŭ.
Jak paźniej vyśvietliłasia, padazravany pajechaŭ u Dziatłava. Jaho zatrymali ŭžo ranicaj, kali pryjechaŭ na skradzienaj mašynie pad miascovy hipiermarkiet. Krama znachodzicca prosta nasuprać miascovaha adździaleńnia milicyi.
Zaviali kryminalnuju spravu pa artykule «Uhon», raniej chłopiec pryciahvaŭsia da adkaznaści za kradziež, złoŭžyvaje śpirtnym.
