20 hadoŭ tamu ŭ Minsku źnik eks-ministr unutranych spraŭ Juryj Zacharanka. Siamja Juryja Zacharanki amal 20 hadoŭ žyvie ŭ Niamieččynie — žonka i dźvie dački paprasili tam palityčnaha prytułku. «Narodnaja Vola» parazmaŭlała sa starejšaj dačkoj zabitaha ministra — Alenaj. Žančyna raskazała, jak ich siamja ŭładkavałasia ŭ čužoj krainie, u horadzie Miunster (Hiermanija).
Alena raspaviała, što pracuje ŭ juvielirnaj kramie i maje ścipły dachod — 1300 jeŭra. 615 jana addaje na kvateru, toje, što zastajecca — na žyćcio z 20-hadovym synam Kiryłam, jaki ciapier zakančvaje škołu i choča stać palicejskim. Alena i Kirył majuć niamiecki pašpart.
Siastra Aleny, Julija, nie pracuje. Dačka Zacharanki adznačaje, što ŭ Niamieččynie vielmi składana znajści pracu navat miascovym, nie kažučy ŭžo pra mihrantaŭ i ŭciekačoŭ.
Žonka Juryja Zacharanki — Volha Barysaŭna — daterminova z-za prablem sa zdaroŭjem vyjšła na piensiju. Joj nie zaličyli pracoŭny staž, i jana atrymlivaje minimalnuju piensiju ŭ Hiermanii. Paśla płaty za kvateru i elektryčnaść u jaje na žyćcio zastajecca 350 jeŭra. Žyvie Volha Barysaŭna niedaloka ad dački, u asobnaj kvatery.
Žonka i małodšaja dačka Juryja Zacharanki niamieckaha pašparta nie majuć.