U Mahilovie nieviadomyja (mierkavana, try cyhany) na «Vołzie» z rasijskimi numarami vykrali inśpiektara DAI. Praź niekalki hadzin jon byŭ znojdzieny zabitym. U telehram-kanale Nexta źjavilisia fota zabitaha milicyjanta — raździetaha i sa śladami ździekaŭ.
Pra zdareńnie pieršym paviedamlaje błohier Nexta. Pradstaŭnica MUS u efiry Biełteleradyjokampanii paćvierdziła infarmacyju.
Uvieś asabovy skład abłasnoha UUS padniali pa tryvozie, a ŭ rehijonie ŭviali płan «Sirena». «Vołhu» dahetul šukajuć. Havorka idzie pra aŭtamabil čornaha koleru, numary — 98-y rehijon Rasii.
mogilev.mvd.gov.by
23-hadovy lejtenant Patapovič pracavaŭ u mahiloŭskim rajonie Čapajeŭka pieššu i, jak miarkujecca, spyniŭ hetuju «Vołhu», kab dajechać da miesca DTZ.
U 18:27 jon dasłaŭ paviedamleńnie ŭ vajbiery: «Terminova. Čornaja «Vołha». Try cyhany. Rehistracyjny znak — ruski». Paśla hetaha lejtenant źnik.
Praź niekalki hadzin pad Mahilovam byŭ znojdzieny trup.
Jak paviedamili Tut.by u palicyi Smalenskaj vobłaści, aŭtamabil pakul što nie zajazdžaŭ na terytoryju Rasii — aryjenciroŭki na jaho pieradali ŭsim supracoŭnikam.
