U Breście pravaachoŭniki znajšli trup niemaŭla na bierazie raki Muchaviec, paviedamlaje SK.
U milicyju pastupiła paviedamleńnie z Bresckaj haradskoj dziciačaj palikliniki №1. 10 maja z radzilni vypisali maleńkuju dziaŭčynku, dačku 29-hadovaj hramadzianki Turkmienistana. Žančyna źjaŭlajecca słuchačkaj kursaŭ adnaho z univiersitetaŭ.
Dziaŭčynka naradziłasia 17 sakavika niedanošanaj i znachodziłasia pad nahladam miedykaŭ. Paśla vypiski piedyjatr palikliniki pajšła na ahlad da žančyny. Dźviery kvatery nichto nie adkryŭ, a ŭ telefonnaj razmovie žančyna admoviłasia skazać, dzie znachodzicca dzicia. Kiraŭnictva lakarni źviarnułasia ŭ milicyju. Supracoŭniki kryminalnaha vyšuku znajšli maci. Na pytańni apieratyŭnikaŭ jana adkazvała błytana, nazyvajučy adnačasova niekalki viersij źniknieńnia dački.
U vyniku žančyna paviedamiła, što dzicia pamierła ŭ vyniku niaščasnaha vypadku. A jana nibyta spałochałasia adkaznaści i trup pakinuła na bierazie raki, ale nie pamiataje, dzie mienavita. Pravaachoŭniki znajšli trup dziciaci. Cieła nakiravali na ekśpiertyzu.
