Na apošnim pasiadžeńni sud admianiŭ prymusovuju departacyju iranca Miechrdada Džamšydyjana i pastanaviŭ adździełu pa hramadzianstvie i mihracyi pierahledzieć spravu. Siońnia AHiM pryniaŭ rašeńnie — Džamšydyjan usio adno pavinien pakinuć krainu, dobraachvotna. U jaho jość try miesiacy, paviedamlaje Human Constanta.
Siońnia Miechrdada Džamšydyjana adpuścili da siamji, praz 11 miesiacaŭ znachodžańnia ŭ izalatary. Paśla suda, jaki prajšoŭ na minułym tydni i zahadaŭ pierahledzieć spravu Miechrdada, AHiM Maskoŭskaha rajona Minska vynies rašeńnie ab dobraachvotnaj departacyi. Jamu vydaduć dazvoł na vyjezd terminam 3 miesiacy. Heta faktyčna aznačaje, što Džamšydyjan pavinien jakim-niebudź čynam za 3 miesiacy znajści krainu, jakaja pahodzicca jaho pryniać.
Džamšydyjan ź siamjoj pražyvaje ŭ Biełarusi amal 25 hadoŭ, usio žyćcio jaho i jaho siamji źviazanaje ź Biełaruśsiu. Za čas, pakul jon znachodziŭsia ŭ źniavoleńni, u jaho zdaryŭsia infarkt, a jaho žonka pieražyła apieracyju z-za ankałahičnaha zachvorvańnia.
Čytajcie taksama:
Niaprostaja historyja kachańnia biełaruski i iranca Aleny i Mierchdada Džamšydzijana chutka moža skončycca trahična
Biełaruś admoviłasia nadać status biežanca irancu, jakoha na radzimie čakaje pakarańnie śmierciu
0
0
0
0
0
0
