Fota MZS Biełarusi
Ministr zamiežnych spraŭ Biełarusi Uładzimir Makiej raskazaŭ, što pretenzij da pracy byłoha rasijskaha pasła Michaiła Babiča «pa źmieście» ŭ jaho nie było. Ale pa formie niekatoryja dziejańni nie zaŭsiody byli dypłamatyčnyja.
«Nam kamfortna pracavałasia z pasłom Rasii», — prakamientavaŭ kiraŭnik MZS.
Pa jaho słovach, adklikańnie Babiča — unutranaja sprava rasijskaha kiraŭnictva.
«My hatovyja da ŭzmacnieńnia ščylnych, siabroŭskich suviaziaŭ z Rasijskaj Fiederacyjaj ź lubym pasłom, ź lubymi pradstaŭnikami hetaj krainy. Bolš za toje, čyrvonaj nitkaj u chodzie ŭsich našych vystupleńniaŭ i razmoŭ padčas znachodžańnia ŭ Bruseli (na samicie Uschodniaha partniorstva. — NN.by) prachodziła toje, što nam treba staracca raźvivać suviazi pamiž Jeŭrazijskimi ekanamičnymi i Jeŭrapiejskimi intehracyjnymi pracesami. Pa-mojmu, nichto nie kazaŭ pra heta, akramia Biełarusi. Heta kaža pra toje, što my adnaznačna naceleny nie tolki na prosty praciah, a na ŭmacavańnie ŭsiebakovaha ščylnaha supracoŭnictva z našymi sajuźnikami».
