Revalucyja ŭ Armienii 2018 h. była «tryumfam ramantyzmu nad prahmatyzmam», zajaviŭ u intervju RBK TB premjer-ministr krainy Nikoł Pašynian. Adnak hrošy na jaje ŭsio ž davodziłasia marnavać, skazaŭ jon, adkazvajučy na zaŭvahu karespandenta, što lubuju revalucyju chto-niebudź dy finansuje.
«My prykładna patracili na našu revalucyju $200 tys. Adkul źjavilisia hetyja hrošy? My paprasili ŭ ludziej. U nas byŭ elektronny kašalok, i armianie z usich krain, miž inšym, bolšaść z Rasii, daryli nam hrošy. My patracili hetyja hrošy, i kožny tydzień u pracesie revalucyi my publikavali kolki hrošaj my vydatkavali i dla čaho», — raspavioŭ Pašynian.
Pavodle słoŭ premjer-ministra, taki padychod dazvoliŭ revalucyjanieram nie apynucca ŭ daŭhu pierad tymi ci inšymi kołami.
«Voś čamu ŭ mianie i ŭ našaha ŭrada niama nijakich cieniavych abaviazacielstvaŭ ni pierad adnoj asobaj abo karparacyjaj», - zaŭvažyŭ premjer-ministr. Pavodle jaho słoŭ, u vyniku ŭ Armienii situacyja źmianiłasia tak, što ciapier tut «niama nijakich manapolij».
Inšym važnym umovaj pieramohi «revalucyi kachańnia» Pašynian nazvaŭ źjaŭleńnie sacyjalnych sietak.
«Kali ja vyjšaŭ z turmy (u 2009 hodzie Pašynian byŭ aryštavany za ŭdzieł u chvalavańniach 1-2 sakavika 2008 hoda, a zatym byŭ pryhavorany da siami hadoŭ pazbaŭleńnia voli, ale ŭ mai 2011 hoda vyjšaŭ na volu pa amnistyi. — RBK), ja ŭbačyŭ, što jość YouTube, jość Facebook, jość Twitter. I ja pačaŭ razumieć, što jość mahčymaść dla apazicyjnaha dziejača vykarystoŭvać hetuju kamunikacyju … Kali ja staŭ deputatam, ja svaje vystupy publikavaŭ na svajoj Facebook-staroncy i ŭ YouTube. U 2016 hodzie prahladaŭ ŭsich maich vystupaŭ razam uziatych było prykładna 10-15 młn. U śviecie žyvie 10 młn armian. Heta značyć, što tearetyčna možna skazać, što kožny armianin choć adzin raz ubačyŭ moj vystup», - raspavioŭ Pašynian.
