Alaksandr Łukašenka prakamientavaŭ čutki, jakija źviazvajuć zatrymańnie namieśnika sakratara Rady biaśpieki Andreja Uciuryna i adchileńnie Michaiła Babiča ad pasady pasła Rasii ŭ Biełarusi.
Kiraŭnik krainy śćviardžaje, što Andrej Uciuryn trapiŭ u pole zroku pravaachoŭnikaŭ jašče da pieravodu ŭ Radu biaśpieki niekalki hadoŭ tamu, kali pracavaŭ kiraŭnikom Słužby biaśpieki prezidenta.
«Voś tady ŭ mianie byli sumnievy, i litaralna praź niekalki miesiacaŭ mnie dałažyli ab tym, što da jaho jość pytańni, — adznačyŭ Alaksandr Łukašenka. — Tamu heta nie maje nijakaha dačynieńnia da taho, što jon nibyta byŭ ledź ci nie ahientam pasła Rasii. Kali b jon byŭ ahientam zamiežnaha ambasadara, praz sutki b užo viedali pra heta».
Kala paŭtara-dvuch hadoŭ były kiraŭnik Słužby biaśpieki znachodziŭsia pad kantrolem śpiecsłužbaŭ, u jakich było šmat faktaŭ ab jaho supraćpraŭnaj dziejnaści.
«Ale było majo žalezabietonnaje patrabavańnie: čałaviek, jaki maje «indulhiencyju» ad prezidenta, pavinien być zatrymany tolki pry najaŭnaści žalezabietonnych dokazaŭ. Jaho ŭziali z dokazami złačynstva: 150 tysiač dalaraŭ jamu ŭ čarhovy raz pryvieźli rasijanie», — adznačyŭ kiraŭnik dziaržavy.
Łukašenka zajaviŭ, što Uciuryn nie byŭ jamu blizkim. «Maich blizkich ludziej vy bačyli 9 maja. Heta byli try čałavieki [syny], jakija stajali ŭ mianie za śpinoj. Paviercie, heta samyja blizkija i rodnyja mnie ludzi, za jakich ja adkazvaju hałavoj», — zapeŭniŭ jon.
Były načalnik słužby biaśpieki prezidenta, namieśnik sakratara Rady biaśpieki Andrej Uciuryn byŭ zatrymany ŭ siaredzinie krasavika pry atrymańni chabaru pamieram $149 tysiač. Jamu nibyta zapłacili pradstaŭniki rasijskaj kamiercyjnaj struktury za prasoŭvańnie jaje intaresaŭ u Biełarusi.
Andrej Uciuryn
Naradziŭsia ŭ 1971 u Pienzie. U 1992 skončyŭ Sarataŭskaje vyšejšaje vajskovaje kamandnaje vučylišča MUS Rasii, a ŭ 2002 — Akademiju MUS Biełarusi. Ad 1995 — u słužbie achovy Łukašenki. Uznaharodžany ordenami «Za biezdakornuju słužbu» i «Za słužbu Radzimie». Kiraŭnik Słužby achovy ad 2007 hoda. U 2014—2019 namieśnik dziaržsakratara Rady biaśpieki.
Čytajcie:
KDB aryštavaŭ Andreja Uciuryna — namieśnika staršyni Rady biaśpieki, byłoha načalnika słužby achovy Łukašenki
Piać faktaŭ pra Andreja Uciuryna, jaki 7 hadoŭ kiravaŭ słužbaj achovy Łukašenki
Što aznačaje, kali kiraŭnik Rady biaśpieki pracuje na zamiežnuju strukturu?
Što pisaŭ u tvitary syn Andreja Uciuryna paśla zatrymańnia baćki
Jak vyhladaje katedž u Drazdach, jaki naležyć aryštavanamu Andreju Uciurynu
KDB nie paškadavaŭ navat kvateru Uciurynych, pabudavanuju ź ilhotnym kredytam i aformlenuju na žonku
