Dziaŭčyna z Afryki ŭpieršyniu była ŭ Minsku i naohuł u Biełarusi. Jana pryjechała na zaprašeńnie minčuka, studenta adnoj sa staličnych VNU. Maładyja ludzi paznajomilisia ŭ internecie i niekalki hadoŭ pierapisvalisia. A ŭ pačatku maja chłopiec apłaciŭ joj padarožža ŭ svaju krainu, paviedamlajuć «Minsk-Novosti» sa spasyłkaj na milicyju.
8 maja pamiž imi zdaryŭsia kanflikt, i dziaŭčyna z rečami pajšła z domu. Pry hetym jana razmaŭlaje tolki pa-anhielsku i pry sabie nie mieła najaŭnych hrošaj.
Jana vyjšła z domu na vulicy Janki Łučyny, 34 prykładna a 22.00 i bolš nie viarnułasia.
Prykmiety: na vyhlad 25 hadoŭ, chudarlavaha ciełaskładu, rost 160—165 sm, vałasy čornyja, hustyja, kučaravyja. Była apranuta: čyrvony džempier, čornyja džynsy, pałasatyja škarpetki, baletki ciomna-siniaha koleru. Pry sabie mieła: darožny čamadan ružovaha koleru, čornuju žanočuju sumačku, pašpart, układyš rehistracyi, paśviedčańnie ab naradžeńni, bankaŭskuju kartku banka Hany, miedycynskuju kartu.
Usich, chto viedaje što-niebudź pra znachodžańnie dziaŭčyny, prosiać paviedamić u Leninski RUUS Minska na telefony: (017) 367-62-02, (029) 558-35-55, (044) 55-83-535 albo 102.
