28 maja były pasoł Rasii ŭ Biełarusi Michaił Babič adśviatkuje jubilej. Jamu spoŭnicca 50 hadoŭ. Krynicy RTVI śćviardžajuć, što novaja pasada Babiča budzie abjaŭlena mienavita da hetaj daty — jak uznaharoda za niaprostuju misiju, jakuju jon vykonvaŭ u Minsku pa daručeńni Kramla.
«Pierakanany, što jaho nie śpišuć va ŭtyl, a pasada nie budzie vyhladać jak farmalnaja siniekura, — skazaŭ RTVI surazmoŭca ŭ administracyi prezidenta Rasii. — Mahčyma, heta budzie pazicyja, na jakoj jon tak ci inakš zmoža ŭpłyvać na adnosiny ź Biełaruśsiu, kab našy partniory ŭ Sajuznaj dziaržavie nie dumali, što jany mohuć kamuści dyktavać svaje praviły».
Sam Michaił Babič u hutarcy z karespandentam RTVI nie staŭ abmiarkoŭvać śfieru, u jakoj jon hatovy byŭ by praciahnuć svaju dziejnaść. Jon skazaŭ: «Ja — čałaviek prezidenta. Usio zaležyć ad jaho rašeńnia, i pa inšamu być nie moža».
