Votkinskaje vadaschovišča na race Kama. Fota: Mikałaj Maksimovič / wikimedia.org
U vioscy Krukava Piermskaha kraju štohod pravodziacca subotniki pa ŭborcy čałaviečych kostak. Pra heta śpiecyjalist administracyi nasielenaha punkta Viera Hałaŭnina paviedamiła radyjostancyi «Havoryć Maskva».
Jana patłumačyła, što paśla budaŭnictva Votkinskaha vadaschovišča na race Kama (zapoŭniena ŭ 1962—1964 hadach) brackuju mahiłu časoŭ Hramadzianskaj vajny nie pierapachavali. I paśla taho jak bierah raki pobač ź vioskaj zatapiła, ź jaho štohod vymyvajucca kostki, jakija i prychodzicca źbirać padčas subotnikaŭ.
«Na viaskovych mohiłkach my zrabili brackuju mahiłu. U nas tam pomnik staić, abharodžana jana. Štohod my tudy i chavajem kostki.
Jak vada idzie, dyk bierah i rušycca. U nas tam niama bierahavych ŭmacavańniaŭ. Raniej znachodzili čarapy. Tam kitajcy abo chto byli… U čarapach byli dzirki. Ciapier užo nie znachodzim ź dzirkami čarapoŭ.
Nie pakinieš ža kostački. Potym, usio ž raka, kupajucca ludzi. Da taho, jak daduć vadu z vadaschovišča, my starajemsia prybrać heta ŭsio», — raspaviała Viera Hałaŭnina i ŭdakładniła, što subotniki, u jakich zvyčajna ŭdzielničajuć 15—20 čałaviek, pravodziacca bolš za dziesiać hadoŭ.
