U subotu 5 maja značnaja častka rasijskich telehram-kanałaŭ, a taksama rasijskich telehram-kanałaŭ, jakija mimikrujuć pad «biełaruskija», pačała ŭkidvać infarmacyju ab zatrymańniach u šerahach biełaruskaha Słužby biaśpieki prezidenta i Minabarony ŭ suviazi z vykryćciom «zmovy siłavikoŭ» paśla aryštu Uciuryna.
Havorka išła, u pryvatnaści, pra zatrymańnie kiraŭnika hrupy «Alfa» i pra toje, što Viktar Łukašenka «nie źjaviŭsia na bajkierskim źlocie, chacia jaho čakali i heta było zapłanavana».
Ale, nakolki viadoma «Našaj Nivie», nijakaha «bajkierskaha źlotu» ŭčora ŭ Minsku nie płanavałasia. Sioleta Viktara Łukašenku dy inšych biełaruskich top-asob zaprasili na adkryćcio siezonu ŭ Rasiju, jon adbudziecca 12 maja.
«Naša Niva» paprasiła pres-sakratarku Alaksandra Łukašenki Natallu Ejsmant prakamientavać infarmacyju pra zatrymańnie vysokapastaŭlenych siłavikoŭ.
«U adkaz na vašaje pytańnie ja mahu tolki paraić mienš čytać tyja samyja telehram-kanały i nie rabić im rekłamy», — adkazała jana.
