U Ivana-Frankoŭskaj vobłaści hruzavik, jaki pieravoziŭ bolš za 20 turystaŭ, pieraviarnuŭsia ŭ raku Čorny Čaramoš: paviedamlajecca jak minimum pra troch zahinułych.
Pavodle paviedamleńnia MUS Ukrainy, u aŭtamabili znachodzilisia 23 čałavieki, ź ich 19 čałaviek vyratavana, troje zahinuli, jašče adnaho šukajuć.
«Pa stanie na 14:20 byli znojdzienyja ŭsie asoby. Try čałavieki zahinuli. U lačebnyja ŭstanovy špitalizavany 10 čałaviek, ź ich adna žančyna ŭ ciažkim stanie. Miedycynskaje abśledavańnie astatnich asob praciahvajecca», — havaryłasia ŭ nastupnym paviedamleńni.
Turysty, jakija znachodzilisia ŭ hruzaviku, jak miarkujecca, źjaŭlajucca hramadzianami Biełarusi.
Trahiedyja adbyłasia 6 maja ŭ vioscy Kraśnik Vierchavinskaha rajona, hruzavy aŭtamabil z kunham, jaki pieravoziŭ turystaŭ, pieraviarnuŭsia ŭ raku Čorny Čaramoš z vyšyni kala 40 mietraŭ. Pra heta stała viadoma ratavalnym słužbam u 11:43.
facebook.com/mvs.gov.ua
facebook.com/mvs.gov.ua
Na miescy zdareńnia pracujuć 45 čałaviek asabovaha składu i 9 adzinak techniki. Praciahvajucca pošukava-vyratavalnyja raboty.