Siońnia, 6 maja, spaŭniajecca 115 hadoŭ z dnia naradžeńnia paeta Paŭluka Trusa (Pavieł Adamovič Trus; 1904—1929).
Uradženiec Uździenskaha rajona, jon ŭvajšoŭ u historyju biełaruskaj litaratury jak adzin z samych papularnych paetaŭ maładoj hienieracyi.
Pamior 30 žniŭnia 1929 hodu ad brušnoha tyfu. Pachavany na Vajskovych mohiłkach u Minsku.
Ź jaho litaraturnaj spadčyny, jakuju pryhadvaje siońnia Radyjo Svaboda, pracytujem naiŭnyja, ale, napeŭna, charakternyja dla toj pary vieršy pra sustreču marsijanina z savieckim pijanieram.
Zasnuŭ, i śnicca pioneru:
Paŭzie dalinaju tuman,
A u tumanie ciomna-šerym
Na Mars imčycca jaraplan.
I voś nasustrač pioneru —
Dzikar planetnaje krasy,
Spužaŭsia chłopca, nie pavieryŭ…
Až dybam stali vałasy.
Propeller rohatam rahoča,
Motor ravie drapiežnym źvieram,
A viecier, viecier pluščyć vočy, —
Na ziemlu mčycca pioner.
Paŭluk Trus. Zdareńnie ź pioneram u laherach / Zbor tvoraŭ. Miensk, 1934.