Sud Baranavickaha rajona 4 maja vynies prysud dvum fihurantam kryminalnaj spravy ab niezakonnych dziejańniach sa zbrojaj i bojeprypasami. Havorka pra hučnyja kradziažy ŭ adnoj z čaściej Baranavickaha harnizona.
Jak paviedamlaje pres-słužba Bresckaha abłasnoha suda, adzin z abvinavačanych na momant złačynstva byŭ vajskoŭcam, mieŭ zvańnie pałkoŭnika. Jon niezakonna nabyŭ u inšaj asoby dva pistalety Makarava i aŭtamat Kałašnikava z patronami. Zbroju pałkoŭnik zachoŭvaŭ, pieravoziŭ i nasiŭ pry sabie — niezakonna.
Jamu prysudzili 4 hady kałonii i pazbavili zvańnia «pałkoŭnik».
Druhi abvinavačany niezakonna zachoŭvaŭ u kvatery aŭtamat Kałašnikava, pistalet Makarava z patronami. Jamu prysudzili 2 hady kałonii.
Prysud u zakonnuju siłu nie ŭstupiŭ i moža być abskardžany.
Čytajcie:
Vynosili aŭtamaty i hranaty na prodaž: padrabiaznaści zasakrečanaj spravy, jakaja moža kaštavać pasady niekalkim ministram
Zbroju vyvieźli ŭ Rasiju — novyja padrabiaznaści spravy ab kradziažy aŭtamataŭ u Baranavičach. Zatrymanyja 20 čałaviek
