U piatym tury niečakana prajhrali minskaje «Dynama» i «Šachcior». Kali «bieła-sinija» ŭ tradycyjnym dla hetaha siezonu panyłym styli sastupili minimalna «Niomanu», to «Šachcior» zhulaŭ z «Enierhietykam-BDU» pakul najiaskraviejšy matč čempijanatu. Prajhrajučy 1:3, salihorcy zmahli ŭ kancoŭcy hulni adhulacca, ale «studenty» ŭsio ž dacisnuli favarytaŭ i zdabyli pieršuju pieramohu ŭ čempijanacie.
Hulcy «Enierhietyka» śviatkujuć pieramohu nad «Šachcioram». Fota: FK «Enierhietyk-BDU».
Paralelna zhubili važnyja turnirnyja bały bresckija «dynamaŭcy» — doma tyja nie zmahli pierahulać «Słaviju», u jakoj zabažyŭ bramnik Radzivon Siamuk. Takim čynam, straty kankurentaŭ vyvieli na pieršy radok BATE, a taksama siensacyju hetaha siezona «Isłač». Kampaniju im składaje «Šachcior» — u troch kamand pa 12 bałaŭ.
U aŭtorak i sieradu prajšli matčy ŭ adkaz paŭfinała Kubka Biełarusi. Minskaje «Dynama» ničoha nie zrabiła z «Viciebskam» i zhubili šancy na doŭhačakany trafiej, a voś «Šachcior» z «Isłačču» vydali vydatnuju hulniu, jakaja doŭžyłasia 120 chvilin (asnoŭny čas skončyŭsia ź likam 2:2, jak i ŭ pieršym matčy). U ekstra-tajmach bolš daśviedčanyja salihorcy dacisnuli «Isłač». Ale tut jašče nie kaniec historyi: vyśvietliłasia, što kamandam nielha było pravodzić čaćviortuju zamienu ŭ dadatkovy čas, bo heta supiarečyła rehłamientu hetaha rozyhryšu kubka. Sudździ, inśpiektar i kiraŭnik departamienta sudziejstva časova adchilenyja, a los hulni vyznačycca na pasiadžeńni dyscyplinarnaha kamiteta.
Ciapier pra matčy nastupnaha tura.
«Tarpieda-Minsk» — «Dniapro»
- 04.05, 18:45. Stadyjon FK «Minsk»
- Kaeficyjenty: «Tarpieda» (pieramoha) — 2.28; ničyja — 3.125; «Dniapro» (pieramoha) — 3.22
Kali «aŭtazavodcy» paśla niebłahich pieršych troch turaŭ spynilisia i prajhrali dźvie apošnija hulni, to ŭ mahiloŭcaŭ jakraz pačało niešta nakloŭvacca — dźvie ničyje, chacia i biez zabitych miačoŭ.
Hety matč moža być cikavym praz pryzmu supiernictva «Tarpieda» i «Pramienia», jakoje ciahniecca jašče ź pieršaj lihi. Ci zastaniecca hradus baraćby takim ža vysokim i ŭ «Dniapra» — pakaža subotniaja hulnia.
Prahnoz «NN»: totał mienšy za 2.5.
«Nioman» — «Tarpieda-BiełAZ»
- 04.05, 20:45. Hrodna, CSK «Nioman»
- Kaeficyjenty: «Nioman» (pieramoha) — 2.80; ničyja — 3.08; «Tarpieda-BiełAZ» (pieramoha) — 2.58
Cienievy matč tura. Hrodziency zajmajuć siomy radok, žodzincy — piaty. U apošnich dvuch turach abiedźvie kamandy vyklučna pieramahali, prytym «Nioman» pakinuŭ ni z čym letašnich favarytaŭ: «Viciebsk» i minskaje «Dynama».
U Hrodnie možna čakać jak zvyšaściarožnaj hulni, tak i zvyšiaskravaj z mnostvam hałoŭ. Ale, zdajecca, pieramožcy nie budzie.
Prahnoz «NN»: ničyja.
«Enierhietyk-BDU» — «Słavija»
- 05.05, 14:00. Minsk, stadyjon «RCAR-BDU»
«Studenty» viartajucca na chatni stadyjon. Na «Kamvolščyku» jany zmahli razžycca tolki adnym bałam, užo ŭ niadzielu jość mahčymaść papoŭnić skarbonku jašče tryma.
Ale nie ŭsio tak prosta: «Słavija», jak my adznačali raniej, hulaje ŭ dobry futboł i moža źvieści da nula ŭsiu ejfaryju «Enierhietyka» ad hulni z «Šachcioram».
Prahnoz «NN»: »Słavija» nie sastupić.
«Słuck» — «Dynama-Minsk»
- 05.05, 16:00. Słuck, stadyjon «Haradski»
Słuččaki zdoleli vyrvać ničyju ŭ Viciebsku, ale heta nie dazvoliła padniacca kamandzie Vitala Paŭłava vyšej za apošni radok.
U niadzielu «Słuck» budzie pravodzić ažno čaćviortuju chatniuju hulniu ŭ čempijanacie suprać kamandy ź vidavočnymi prablemami ŭ atacy, jakija stali adbivacca na vynikach.
Kamandy ŭžo znajomyja adna adnoj pa čverćfinałach kubka, i «Słuck» navat zmoh pieramahčy ŭ «Dynama». Ci zmoža paŭtaryć heta ŭ niadzielu?
Prahnoz «NN»: totał mienšy za 2.5.
«Minsk» — «Dynama-Brest»
- 05.05, 19:00. Stadyjon FK «Minsk»
Nakolki badziorym vydaŭsia start bresckaha «Dynama», nastolki ž niaŭdałymi atrymalisia dźvie apošnija hulni, jakija nivieliravali ŭvieś handykap bieraściejcaŭ.
«Minsk» paśla čatyroch ničyich pažartavaŭ u tvitary, što ich płan na siezon — heta 28 ničyich i 2 pieramohi nad Brestam. «Haradžanie» ŭžo schibili, prajhraŭšy BATE, tamu treba dakazvać. Ale ŭ heta słaba vierycca.
Prahnoz «NN»: pieramoha «Dynama».
«Homiel» — «Viciebsk»
- 06.05, 15:00. Homiel, stadyjon «Centralny»
Vžuch — i ničoha nie zastałosia ad dziorzkaha startu «Homiela» paśla paraz u dvuch apošnich turach.
Fota Anatola Redzina.
Ale jość šaniec vypravić situacyju ŭ matčy suprać «Viciebska», što jašče nie pieramahaŭ u čempijanacie. Ale ž usie sieryi musiać kaliści kančacca, i «Homiel» pra heta dobra viedaje. Tamu treba być aściarožnymi.
Prahnoz «NN»: «Viciebsk» nie sastupić.
«Haradzieja» — BATE
- 06.05, 17:00. Stadyjon «Haradzieja»
Hod tamu kamandy sustrakalisia ŭ dziasiatym tury. Na rachunku «Haradziei» nie było pieramoh, ale jany zmahli pieramahčy BATE, što kaštavała Alehu Dułubu pracoŭnaha miesca.
Sioleta pieršaja vočnaja hulnia adbyvajecca ŭ šostym tury, u «Haradziei» znoŭ prablemy. Ale heta nie abiacaje prostaha dvuboju dla barysaŭcaŭ.
Prahnoz «NN»: BATE pieramoža.
«Šachcior» — «Isłač»
- 06.05, 19:00. Salihorsk, stadyjon «Budaŭnik»
Druhoje za tydzień randevu kamand Tašujeva i Žukoŭskaha, na hety raz — u čempijanacie. U tablicy «Šachcior» i «Isłač» dzielać razam z BATE pieršy radok, tamu hulniu ŭ paniadziełak ŭpeŭniena možna nazyvać matčam tura.
Fota: FK «Šachcior».
Ci zmohuć salihorcy znoŭ pieramahčy «Isłač» i ci chopić u kamandy ź Minskaha rajona siłaŭ, kab znoŭ dać boj «Šachcioru»?
Prahnoz «NN»: totał bolšy za 2.5.
TURNIRNAJA TABLICA
Dzialiciesia prahnozami ŭ kamientarach i abaviazkova schadzicie na stadyjon! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!
Tym bolš Marafon prapanuje vydatnuju mahčymaść dla ŭsich novych klijentaŭ zrabić biasprojhryšnuju pieršuju staŭku. Kab zrabić heta, treba zarehistravacca na sajcie i ŭvieści promakod START. Zyčym pośpiechaŭ!
