Prapracoŭvajecca pytańnie arhanizacyi rejsaŭ vienhierskaj biudžetnaj avijakampanii Wizz Air z aeraporta ŭ Hrodnie. Pra heta siońnia ŭ čas sustrečy sa staršynioj abłvykankama Uładzimiram Kraŭcovym paviedamiŭ pasoł Vienhryi Žołt Čutora, pieradaje BiełTA.
Pasoł upieršyniu naviedaŭ Hrodzienski rehijon. Jon adznačyŭ, što ŭ centry jaho ŭvahi ŭsie mahčymaści dla raźvićcia dvuchbakovych adnosin — supracoŭnictva ŭ śfiery ekanomiki, pramysłovaści, handlu, kultury i turyzmu.
«Jość i kankretnyja płany. Naprykład, zaraz viaducca pieramovy ab arhanizacyi z Hrodzienskaha aeraporta rejsaŭ vienhierskaj avijakampanii Wizz Air. My bačym, što heta vyklikaje ŭzajemnuju cikavaść», — adznačyŭ Žołt Čutora. Jon padkreśliŭ, što Hrodna moža stać pryvabnym napramkam dla turyzmu.
«Tym bolš u nas jość i ahulnyja staronki ŭ historyi. Havorka pierš za ŭsio pra karala Rečy Paspalitaj Stefana Batoryja, jaki byŭ značnaj histaryčnaj fihuraj i dla Vienhryi.
Zaraz u Hrodnie adnaŭlajecca karaleŭski zamak, jość jaho rezidencyi i ŭ našaj krainie. Takija suviazi mahli b stać adpraŭnym punktam u naładžvańni supracoŭnictva», — skazaŭ Žołt Čutora. Vienhierski bok hatovy paŭdzielničać u rekanstrukcyi zamka.
