Źmitru Palijenku, zatrymanamu 20 sakavika pa padazreńni ŭ ździajśnieńnia złačynstva pa č. 3 art. 339 KK («Asabliva złosnaje chulihanstva»), pradjaŭlena abvinavačvańnie. Pra heta pravaabaroncam stała viadoma ad siabroŭki aktyvista Maryny Kasinieravaj.
Aktyvista vinavaciać pa art. 341 (apahańvańnie budynkaŭ ci inšych zbudavańniaŭ cyničnymi nadpisami abo malunkami, psavańnie majomaści na hramadskim transparcie abo ŭ inšych hramadskich miescach), častcy 1 art. 130 (raspalvańnie rasavaj, nacyjanalnaj abo relihijnaj varožaści abo roźni; Naŭmysnyja dziejańni, nakiravanyja na raspalvańnie rasavaj, nacyjanalnaj, relihijnaj varožaści abo roźni, na prynižeńnie nacyjanalnaha honaru i hodnaści, i pa častcy 3 art. 339 Kryminalnaha kodeksu (asabliva złosnaje chulihanstva).
Usie spravy abjadnanyja ŭ adnu, ich viadzie Zavodski rajonny adździeł Śledčaha kamitetu.
Pa słovach pradstaŭnika Śledčaha kamitetu Juli Hančarovaj, mieru strymańnia Palijenku nie źmianiali: jon praciahvaje zastavacca pad vartaj.
Źmiciera Palijenku zatrymali ŭ svajoj kvatery ranicaj 20 sakavika pa padazreńni ŭ ździajśnieńnia złačynstva pa č. 3 art. 339 KK («Asabliva złosnaje chulihanstva»), a mienavita ŭ tym, što jon raspyliŭ piarcovy bałončyk u tvar mužčynie ŭ padjedzie žyłoha domu, dzie aktyvist čakaŭ znajomaha.
