24-hadovy biełaruski repier Bakiej (sapraŭdnaje imia Uładzisłaŭ Bielmač) na svajoj staroncy ŭ instahramie abvieściŭ, što admianiajecca jahony tur pa haradach krainy, jaki płanavaŭsia ŭ krasaviku. Bakiej źbiraŭsia vystupić va ŭsich abłasnych centrach Biełarusi. Užo byli damoŭlenyja daty, a taksama placoŭki. Ale treba było atrymać hastrolnaje paśviedčańnie.
Fota klevo.net.
U Viciebsku i Breście Bakieju admovili ŭ «hastrolcy» praz «nizki mastacki ŭzrovień jahonaj tvorčaści». Nie atrymałasia zdabyć paśviedčańnie i ŭ Hrodna z Mahilovam.
Što tyčycca Minska, to Bakiej spadziajecca jašče zdabyć dazvoł na vystup.
Repier Bakiej naradziŭsia ŭ 1995 hodzie ŭ Jamała-Nianieckaj aŭtanomnaj akruzie Rasii, ale z 1996 stała žyvie ŭ Minsku. Skončyŭ Handlovy kaledž. Rep pačaŭ pisać ad 2011 hoda. Vypuściŭ piać albomaŭ. Mianušku Bakiej atrymaŭ, kali zajmaŭsia futbołam.