dpsu.gov.ua
Pamiežniki Žytomirskaha atrada minułym viečaram zatrymali miascovaha žychara, jaki mieŭ namier pranieści praź dziaržmiažu na terytoryju Biełarusi skryniu sa 150 papuhajami, paviedamlaje Pamiežnaja słužba Ukrainy.
Pamiežniki zaŭvažyli mužčynu, jaki chutka ruchaŭsia ŭ bok ukrainska-biełaruskaj miažy i sprabavaŭ uciačy.
dpsu.gov.ua
Paśla niedoŭhačasovaha pieraśledu pravaachoŭniki zatrymali nieviadomaha. Jakich-niebudź dakumientaŭ u jaho nie akazałasia. Mužčyna taksama nie zmoh rastłumačyć metu svajho znachodžańnia ŭ načny čas na režymnaj terytoryi.
Padčas pravierki prylehłaj da miesca zatrymańnia miascovaści pahranatrad vyjaviŭ vialikuju skryniu z ramianiami dla zručnaści pieranoski. Ŭsiaredzinie skryni akazałasia šeść skrynak z 150 papuhajami.
Asoba parušalnika ŭstanoŭlena - heta 45-hadovy hramadzianin Ukrainy. Ptuški kanfiskavanyja i buduć pieradadzienyja supracoŭnikam fiskalnaj słužby.
