Klučavoj zadačaj urada ŭ 2019 hodzie budzie pavyšeńnie efiektyŭnaści i kankurentazdolnaści dziaržsiektara, zajaviŭ premjer Siarhiej Rumas na pasiadžeńni Rady Ministraŭ, pieradaje BiełTA.
«Klučavoj zadačaj urada na bližejšuju pierśpiektyvu źjaŭlajecca pavyšeńnie efiektyŭnaści i kankurentazdolnaści dziaržaŭnaha siektara ekanomiki, pryčym heta tyčycca jak respublikanskich, tak i kamunalnych pradpryjemstvaŭ. Siońnia faktyčna nie pracujuć rynkavyja instrumienty dla finansavaha azdaraŭleńnia pradpryjemstvaŭ. Pry hetym mnohija dziaržaŭnyja pradpryjemstvy raźličvajuć vyklučna na biudžetnuju padtrymku», — adznačyŭ Siarhiej Rumas.
«Pradpryjemstvy, jakija nie vykanali ŭmoŭ akazanaj im dziaržpadtrymki i nie dasiahnuli zadekłaravanych metaŭ jaje davańnia, bolš nie majuć prava raźličvać na takuju dapamohu. Kali pradpryjemstva sapraŭdy raźvivajecca, vychodzić na stabilnuju i rentabielnuju pracu, ale pa abjektyŭnych pryčynach nie moža svoječasova pahasić nazapašanuju zapazyčanaść, urad u vyklučnych vypadkach hatovy razhledzieć mahčymaść jaje restrukturyzacyi», — rastłumačyŭ Siarhiej Rumas.
Ale ŭsie rašeńni buduć supravadžacca žorstkim kantrolem z boku ŭrada i, jak praviła, źmienaj kiraŭnika pradpryjemstva. Akramia hetaha u 2019 hodzie ŭrad zojmiecca vybudoŭvańniem karparatyŭnaha kiravańnia na dziaržpradpryjemstvach.
