Rasijski televiadučy Andrej Karavułaŭ pracytavaŭ na svajoj staroncy ŭ Facebook fejkavuju navinu pra kitajskaha ministra Džyana Minha. Jon uspomniŭ, što asabista sustrakaŭsia ź im i padaryŭ jamu svaju knihu «Ruskaje piekła».
Natatka, dzie paviedamlałasia, što Minh nibyta admoviŭsia paciskać ruku Anatolu Čubajsu, była apublikavana na paradyjnym sajcie fejkavych navin «Panarama». Kitajski dziaržsłužačy i hetaja historyja byli całkam vydumanyja supracoŭnikami partała.
Karavułaŭ skapijavaŭ padroblenuju navinu i namiaknuŭ, što takoje mierkavańnie mahło sfarmavacca ŭ Minha dziakujučy jaho knizie «Ruskaje piekła».
«Zatoje ja pamiataju, jak daryŭ knihu spadaru Minhu. Tam šmat pra Čubajsa. Jon moj lubimy piersanaž», — skazaŭ na zakančeńnie jon.
Paźniej rasijski žurnalist pasprabavaŭ patłumačyć svoj kanfuz. Pa słovach televiadučaha, jon moh pierabłytać imiony kitajskich dziaržsłužačych, bo padziei adbyvalisia daŭno.
«Ja mahu błytać kitajskija imiony, — asabliva adsiul, z Novaj Ziełandyi, dzie ja ŭžo amal dva miesiacy», — zajaviŭ jon.
