Naziralnaja rada Nacyjanalnaj hramadskaj teleradyjokampanii Ukrainy pryniała rašeńnie pra daterminovaje adchileńnie Zuraba Ałasanii ad pasady staršyni praŭleńnia Hramadskaha viaščańnia.
Zurab Ałasanija (u centry).
U nahladalnaj radzie telekampanii Asałaniju abvinavačvajuć u tym, što jon nie pakazaŭ chresny chod za adzinuju pamiesnuju carkvu, pasiadžeńnie Hienasamblei AAN i adzin z ekanamičnych forumaŭ, dzie prysutničaŭ prezident Ukrainy.
Pra heta paviedamiŭ sam Ałasanija, apublikavaŭšy ŭ fejsbuku častku prajekta rašeńnia naziralnaj rady.
U dakumiencie adznačałasia, što Ałasanija «nie arhanizavaŭ viaščańnie kanała «UA: Pieršij» ni jak «hramadska-palityčnaha kanała», ni jak «infarmacyjnaha i hramadska-palityčnaha viaščańnia z elemientami aśviety», a tamu «kanał nie aśviatliŭ apieratyŭna albo nie aśviatliŭ naohuł (akramia karotkich zhadak u navinach) «pieraličanych padziej z udziełam prezidenta.
Taksama adznačajecca, što Ałasanija niapravilna zrazumieŭ pryncyp «addaleńnia ad ułady», što pryviało «da poŭnaj depalityzacyi navin», što «prosta supiarečyć misii «pradstaŭlać dakładnuju i zbałansavanuju infarmacyju pra Ukrainu i śviet».
Niezaležnyja žurnalisty roznych ukrainskich ŚMI zajavili, što ličać skasavańnie kantrakta z kiraŭnikom telekampanii pierad samymi prezidenckimi vybarami prajavaj cenzury.
