Čempijanat Jeŭropy pa fihurnym katańni startuje siońnia ŭ Minsku vystupleńniem u karotkaj prahramie ŭ žančyn i spartyŭnych par, piša BIEŁTA.
Prymie adzin z najstarejšych turniraŭ Staroha Śvietu Minsk-arena, jon pravodzicca 111-y raz. Upieršyniu čempijanat Jeŭropy pa fihurnym katańni adbyŭsia ŭ 1891 hodzie ŭ Hamburhu.
U Minsk pryjechali šaścirazovy čempijon kantynienta Chaŭjer Fiernandes (Ispanija), tancavalnaja para z Francyi Habryeła Papadakis i Hijom Sizieron, alimpijskaja čempijonka rasijanka Alina Zahitava, spartyŭnaja para Jaŭhienija Tarasava i Uładzimir Marozaŭ. U žanočym adzinočnym katańni i vystupleńni par siońnia adbudziecca karotkaja prahrama.
Žančyny pačnuć spabornictvy ŭ 11.45. Miedali ŭ žanočym katańni buduć razyhrany pa vynikach advolnaj prahramy 25 studzienia.
U 18.00 adbudziecca cyrymonija adkryćcia turniru, u jakoj prymuć udzieł viadomyja biełaruskija muzyčnyja hrupy.
Zavieršycca pieršy dzień karotkaj prahramaj siarod spartyŭnych par.