Mienski rajvykankam 22 studzienia razhladzieŭ administratyŭnyja pratakoły, składzienyja na aktyvistaŭ KCHP-BNF: vykanaŭcu abaviazkaŭ staršyni partyi Jurasia Bieleńkaha i sakratara mienskaj upravy Valera Bujvała, piša «Radyjo Svaboda».
Za «ŭčynieńnie škody historyka-kulturnaj kaštoŭnaści», jakaja vyjaviłasia ŭ zamienie sparachniełaha kryža ŭ pamiać ab litoŭcach, rasstralanych u Kurapatach, Jurasia Bieleńkaha i Valera Bujvała pakarali štrafam u 382,5 rubla.
27 śniežnia minułaha hodu hrupa, u składzie jakoj byŭ Jury Bieleńki, zamianiła daŭni sparachnieły kryž. Novy kryž zrabili hramadzianie Litvy — «u styli litoŭskaha narodnaha mastactva». U čas ustalavańnia novaha kryža ŭ Kurapatach znachodzilisia dva pracaŭniki lashasu, jakija nie vykazvali pretenzijaŭ da rabotaŭ, jakija paźniej byli pryznanyja «ŭčynieńniem škody» memaryjału.
Fota: Valery Buival
Kryž źnik praź dźvie hadziny pa ŭstalavańni — jak vyśvietliłasia, jaho vyvieźli pracaŭniki lashasu, ciapier zachoŭvajuć na svajoj terytoryi. Na nastupny dzień kiraŭnik Hramadzkaj dyrekcyi Narodnaha memaryjału Aleś Čacholski zapatrabavaŭ, kab lashas viarnuŭ kryž — pradstaŭniki lashasu admovilisia.
