Rasija akazvaje Biełarusi finansavuju dapamohu, nakiroŭvajučy na hetyja mety srodki, jakija mahli b vykarystoŭvacca dla raźvićcia ŭłasnaj ekanomiki, i takoje staŭleńnie z boku Maskvy Minsku varta było b šanavać bolš, ličyć premjer-ministr RF Dźmitryj Miadźviedzieŭ, paviedamlaje TASS.
«Pa sutnaści my dapamahajem [Biełarusi], vymajučy hrošy z našaj ekanomiki, — skazaŭ jon na naradzie ź vice-premjerami. — Heta treba šanavać, razvažajučy ab sajuźnickich adnosinach».
Premjer-ministr dadaŭ, što Rasija nikoli nie abiacała inšym krainam kampiensavać niedaatrymanyja ŭ tym liku z-za padatkovaha manieŭru dachody.
«My nikoli nie abiacali kampiensavać nieatrymanyja dachody inšych krain, chaj navat samych-samych blizkich, choć u šerahu vypadkaŭ my ŭ apošnija hady pa prośbie hetych dziaržaŭ išli na toje, kab dać im roznuju biezzvarotnuju padtrymku», — zajaviŭ jon na naradzie ź vice-premjerami ŭ kantekście padatkovaha manieŭru i adnosinaŭ ź Biełaruśsiu.