Pjanaha mužčynu zatrymała milicyja.
Raźvivalisia padziei kananična: 39-hadovy mužčyna vypivaŭ razam z žonkaj. Paśla vyjšli na vulicu, dzie i zhubili adno adnaho.
Mužčyna vyrašyŭ adšukać svaju druhuju pałovu. Dla hetaha jon badziaŭsia pa rajonie i zahladvaŭ u tvar žančynam, jakich sustrakaŭ na svaim šlachu. Minaki zrabili jamu zaŭvahu, tady adzinoki muž vyrašyŭ ich papužać. Jon viarnuŭsia ŭ kvateru, uziaŭ siakieru dla rubki miasa i viarnuŭsia, kab vyśvietlić adnosiny.
Jaho apanienty, moža, i spałochalisia, ale vyklikali milicyju. U vyniku na mužčynu zaviali kryminalnuju spravu za chulihanstva, paviedamlaje hrodzienskaja milicyja.
Darečy, paru hadoŭ tamu mužčyna byŭ fihurantam anałahičnaj historyi — jon sprabavaŭ napałochać svajho apanienta mietaličnaj truboj.