Puchnaty hieroj naadrez admoviŭsia fatahrafavacca, 112.by
Uviečary 8 studzienia ščučynskija ratavalniki vyjazdžali na pažar u viosku Korsaki. Na miescy zdareńnia raźliki MNS zaśpieli adkrytaje hareńnie dachu žyłoha doma, paviedamlaje 112.by
Vyśvietliłasia, što 32-hadovy mužčyna žyvie adzin, nidzie nie pracuje. Jak raspavioŭ sam haspadar, viečaram jon pakuryŭ, zatušyŭ niedakurak u popielnicy i loh spać.
Praź niekatory čas pračnuŭsia ad taho, što kot drapaje jamu tvar. U hety ž čas u dźviery ŭžo hrukała susiedka, jakaja źviarnuła ŭvahu na dym. Pakinuć dom praź dźviery nie ŭjaŭlałasia mahčymym, vieranda ŭžo była achoplena ahniom. Pryjšłosia vybiracca praz akno.
Krychu bolš za paŭhadziny pajšło na baraćbu z połymiem. U vyniku pažaru paškodžany dach, pierakryćcie, majomaść u domie, zakuranyja ścieny. Ludzi nie paciarpieli. Jość zdahadka, što ŭzharańnie mahło adbycca z-za karotkaha zamykańnia elektrapravodki. Niekatory čas paharelcu pryjdziecca pažyć u pryjaciela ŭ susiedniaj vioscy.
